تعرف إيه الاضرار اللي بتسبب فيها لما تضرب طفل ؟

تعرف إيه الاضرار اللي بتسبب فيها لما تضرب طفل ؟؟ تعرف ان الطفل لحد 9 سنوات مبيقدرش يربط بين الايذاء البدني المتمثل في الضرب و بين وقوعه في الخطأ ؟



 تعرف ان ضربك للطفل بيجيب نتيجة عكسية تماماً و تدهور ف السلوك اللي عايز تعدله ؟ تعرف ان الطفل من كتر الضرب بيبقي ضعيف الشخصية و منطوي و مكتئب و في بعض الاحيان بتدفعه للجريمة ؟ تعرف ان 95% من الدراسات اثبتت ان الوالدين بيضربوا الاطفال كـ تنفيس انفعالي ليهم ليس له علاقة بخطأ الطفل ؟ تعرف ان الضرب و القسوة بتسبب تبول لا ارداي و ممكن تسبب لجلجة و اضطرابات انعالية مزمنة ؟ تعرف ان الضرب بيعلم الطفل العدوان مش بس العنف ؟ تعرف ان الضرب ممكن يأثر علي مستوي الطفل التعليمي ؟ تعرف ان الطفل بيفد الثقة فيك لما بتضربه ؟ تعرف ان الطفل بيفتقد الاحساس بالامان ؟ تعرف انك بتحرمه من طفولته ؟ تعرف انك السبب الرئيسي ف كل الاضطرابات الانفعالية اللي ممكن جري له ؟؟ تعرف ان الطفل بيخاف منك مش بيحترمك ؟؟ تعرف ان الطفل ده لما يكبر هيميل للسلطة و للقوة اكتر من ميله للحق ؟ تعرف انه ممكن يكون من عينة اللي انتخبوا شفيق و بتوع الاستقرار ؟ تعرف انه مستقبلاً مش هيعرف يدخل ف حوار راقي مع حد ؟ غالباً هيتخانق و يشتم اللي قدامه ؟ تعرف ان ضربك للطفل انهاردة ممكن يخليه يتجرأ عليك بكرة و ف اقرب فرصة يضربك ؟ تعرف انك انسان بالغ قوي و هو طفل ضغيف ؟ تعرف انك اكيد مصاب بمرض نفسي ؟ تعرف ان الطفل اللي معاك ده امانة هتتحاسب عليه يوم القيامة ... ؟ تعرف ان فيه طرق كتير لعقاب الطفل او لتوجيه سلوكه لمنحي افضل غير الضرب ؟ تعرف ان فكرة (( القسوة مع الاطفال بتخليهم رجالة)) تعرف ان دي فكرة متخلفة ؟ ... الاعتداء علي الطفل ...هو مرض و ليس تهذيب او توجيه . الاعتداء علي الطفل ...ضعف و ليس تربية ... االاعتداء علي الطفل جريمة لازم يتحاكم كل من يرتكبها . استقيموا يرحمكم الله .

Posted in: منوعات ثقافيه